Transcription
1
Monsieur, j’anvoye vers vous le cappitaine Barraulte mareschal
2
des logis de la compaignie de monseigneur le prince, que vous faire
3
entandre que le maitre des monnoyes nous a abandonné, nayant encore
4
entandu aulcune nouvelle de notre tresorier ny argent suyvant se
5
que men avez escript, dequoy nous sommes bien en peyne, quy me
6
faict vous supplier monsieur vous souvener de nous ; et quant
7
à se quil vous pleist mescripre pour desloger dicy et men
8
aller à Chabeu, je vouldroys bien vous supplier sil nen
9
est grand besoin vouloir avoir passience [=patience] que notre monstre
10
fut fète premierement quy ne peult plus guyere [=guère] demeurer craugnant
11
que sy nous esloignions tant se sera grand incommodité pour faire
12
randre les deniers en seureté, et sy se nest que pour randre
13
le lieu asseuré et pour faire escorte et tenir lanemy [=ennemi] plus serré
14
je renvoyrè une partie de la compaignye parce que on ma dit
15
que le lieu est bien petit pour la recepvoir toute comme on le
16
ma asseuré ceulx quy y ont estés, comme plus emplement jay
17prié le cappitaine Barraulte vous faire entandre de ma part [barré : quy ]
18
estant tousiours prest et apareillié dobeir à voz commandemens ;
19
et quant à se que me mandez que nous sommes trop loing des
20
ennemys, nous en estions plus près dimenches quant ilz se sayrent [saysirent ?]
21
de Pont de Royen près St Nazary, et comme je estoys resolu
22
porter avecque la compaignie pour les aller recognoistre, je fuz
23
advertys par quelques ungz de cest ville que je y avoye envoyé,
24
comme ilz labandonnarent des lundy matin ayant amenez quelques ungz
25
du lieu prisonnyers. Je panssoys que messieurs les cosses [=consuls] de
26
ceste ville vous en eussions advertys quy me fera faire fin par
27
mes recommendations plus humbles à votre bonne grace, priant le Createur
28
vous donner,
29
monsieur, en parfaicte sancté et eureuse, très longue vye. De Romans,
30
se XXIIIme jour de mars
31
Vostre ensyen et haubeyssant serviteur
32
à vous fère servysse
33
très affecionné
34
de la Rochejoubert